Өткөн жылдын декабрь айынан бери Жалал-Абад шаарынын мэринин милдетин аткарып келген Эрнисбек Ормоков калаага мэр болуп шайланды.
7-июндагы шайлоодо ал жалгыз талапкер болуп, сессияга катышкан 29 депутат бир добуштан аны колдоду. Калаанын мурдагы мэри Мураталы Тагаев болсо өткөн жылы октябрь окуяларында кызматтан кеткен.
Эрнисбек Ормоков — Жалал-Абад шаардык кеңешинин үч чакырылышынын депутаты болгон — депутаттыкка «Ата-Журт» партиясынан келген.
Ал эми 4-октябрдагы парламенттик шайлоого «Мекенчил» партиясынан №14 катарда барган. Аталган партияны президент Садыр Жапаров жана УКМК башчысы Камчыбек Ташиев негиздеген.
Садыр Жапаров бийликке келгенден кийин «Мекенчил» партиясынан талапкер болгон ондогон киши ар кандай кызматтарга келди.
