Олимпиада оюндарына катышып жаткан кыргыз спортчусу Акжол Махмудов финалга чыкты. Ал армениялык балбан Карапет Чалянды 6:2 эсебинде утту. Махмудов армениялык балбан менен жарым финалда беттешти.
Walking into the #WrestleTokyo Olympic finals like Akzhol MAKHMUDOV 🇰🇬! pic.twitter.com/u5stK9ny8c
— United World Wrestling (@wrestling) August 2, 2021
Махмудов турнирдеги биринчи беттешинде тунистик спортчу Ламьед Маафини 11:0 эсебинде утуп, чейрек финалга чыкккан. Ал эми чейрек финалда азербайжандык спортчу Рафиг Хусейновду 9:1 эсебинде уткан.
Махмудовдун финалдык беттеши 3-августта өтөт. Финалда ал алтын медалды утуш үчүн венгриялык Тамаш Лёринчти утушу керек. Кыргыз балбаны турнирге 77 килограмм салмакта чыгып жатат.
Акжол Махмудов 22 жашта. Ал эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо алган.
