3-сентябрда «Түндүк электр» компаниясынын басма сөз кызматы 6-сентябрдан тартып Бишкекте 7,2 миңден ашык абонент өчүрүлөрүн билдирди.
Автоматташтырылган башкаруу тутуму дебитордук карызы 6,4 миллион сомдон ашкан абоненттердин электр жарыгын өчүрөөрү айтылды.
Компания ыңгайсыздыктардын алдын алуу үчүн шаардыктарды карыздарын төлөөгө чакырды.
Буга чейин, 26 -августта «Түндүк электр» карызы 6 миллион сомдон ашкан 3,5 миңден ашык турмуш-тиричилик абоненттеринин электр энергиясы өчүрүлгөнүн билдирген.
2021-жылдын июнь айында кыргызстандыктарга «Түндүк электр» жана «Чыгыш электр» ишканаларынан электр энергиясын жылытуу үчүн колдонууга толук тыюу салуу жөнүндөгү жазуу жүзүндөгү билдирүүлөр келе баштаган.
«Түндүк электр» бул аргасыз чара күз-кыш мезгилинде гана колдонуларын билдирген.
Компания Токтогул суу сактагычында суунун аздыгы жана суунун деңгээлинин төмөн болгонуна байланыштуу электр энергиясынын тартыштыгына даярданып жатат.
Тема боюнча:
«Түндүкэлектр» Бишкекте карызын төкпөгөн 2 700дөн ашык катардагы абонентин өчүрөт
