Эрлан Абдылдаев Кыргызстандын Тажикстандагы атайын жана ыйгарым укуктуу элчиси болуп дайындалды. Тиешелүү буйрукка өлкө башчы Садыр Жапаров кол койду. Бул тууралуу 12-апрелде президенттин басма сөз кызматы билдирди.
Бул кызматты 2018-жылдан бери Жаныш Рустенбеков аркалап келген. Рустенбековду ушул жылдын 2-февралында президент Садыр Жапаров мөөнөтү аяктагандыгына байланыштуу кызматынан бошоткон.
55 жаштагы Эрлан Абдылдаев Казакстандын Алматы шаарында туулган. Ал 1989-жылдан тарта Тышкы иштер министрлинин ар кайсы бөлүмдөрүндө иштеп, 2012-жылдын 2018-жылга чейин Тышкы иштер министрлигин жетектеген.
Абдылдаев 2020-жылдын июль айынан бери Германияда элчи болуп иштеп, ушул жылдын февраль айында кызматынан бошотулуп, анын ордуна Өмүрбек Текебаев дайындалган.
