Аксы районунда кызматтык унааны башкарып бараткан чек ара кызматкери велосипед тээп бараткан адамды коюп кетти. Жабырлануучу өзүнө келбей, жеринде каза болду. Бул тууралуу Жалал-Абад облустук милициясынан маалымдашты.
Маалыматка ылайык, окуя 5-июль күнү кечки саат 19:00 чамасында Үч-Коргон айылында болгон. Анда Аксы районундагы «Дейрес» чек ара заставасынын 22 жаштагы ефрейтору Кербен — Кызыл-Жар унаа жолунун 49-чакырымында каршы тилкеде келе жаткан 29 жаштагы жигитти коюп кеткен.
Жалал-Абад облустук милициясы чек ара кызматкери кармалып, учурда тергөөдө сурак берип жатканын белгилешти.
Буга чейин, 7-июлда Жалал-Абад облусунда катталган жол кырсыгынан Чаткал районунун прокурору Бакирдин Жанузаков каза болгон. Кырсыктын кесепетинен дагы эки киши жаракат алып, ооруканага жеткирилген.
Тема боюнча:
«Айдоочу уктап кеткен». Чаткал районунун прокурору Бакирдин Жанузаков авто кырсыктан каза тапты
«Жол күзөтчүлөрү кууп келген». Аксыда өспүрүмдүн өмүрүн алган кырсык боюнча иликтөө башталды
