АКШнын Кыргызстандагы элчилиги өлкөнүн эгемендүүлүк күнүнө карата имараттын дубалына кыргыз туусу түшүрүлгөн сүрөттү чагылдырышты.
Элчиликтин маалыматка ылайык, өлкөнүн желеги түшүрүлгөн сүрөт имаратта 26-августтан 2-сентябрга чейин күйүп турат.
«Эгемендүүлүк күнүнө карата элчилигибиздин дубалын жарыктандырып жатканыбызга кубанычтабыз! Бул эки элдин достугунун жана АКШнын Кыргызстандын көз карандысыздыгы жана эгемендигин колдой турганынын айкын символу», — деп белгилешти элчиликтен.
Быйыл 31-августта Кыргызстан эгемендүүлүк алганына 31 жыл болот. Өлкө боюнча майрамга карата иш-чаралар өткөрүлөт. Ал эми борбор калаада Ала-Тоо аянтында парад болуп, ырчылардын коштоосунда өтөт.
