Президент Садыр Жапаровдун шайлоодогу штабын жетектеген Канатбек Тургунбеков Мамлекеттик мүлктү башкаруу фондуна төрага болуп дайындалды. Бул тууралуу 27-февралда минкабдан билдиришти.
Ал эми аталган фондду дээрлик эки жылдан бери башкарган Мирлан Бакиров кызматынан бошотулду.
53 жаштагы Канатбек Тургунбеков буга чейин Финчалгын кызматын жетектеген. Ал президенттик шайлоодо Садыр Жапаровдун штабын, ал эми 2020-жылдагы жыйынтыгы жокко чыгарылган парламенттик шайлоодо «Кыргызстан» партиясынын штабын жетектеген.
