Ноокат шаарынын мэри Улан Турганбаев ден соолугуна байланыштуу өз каалоосу менен кызматтан кетти. Бул тууралуу 18-апрелде «Клоопко» Ноокат райондук администрациясынан билдиришти.
Турганбаев Ноокат шаар башчылыгына 2022-жылы 3-февралда дайындалган. Ал «Кызмат абалынан кыянаттык менен пайдалануу» беренеси менен шектелип кармалган Жоомарт Нурдиновдун ордуна келген.
Турганбаев мэрлик кызматка дайындалганга чейин Тоң районуна караштуу Күн-Чыгыш айыл өкмөтүнүн башчысы болуп иштеген.
Ал Жалал-Абад облусунун экс-прокурору Айбек Турганбаевдин бир тууган агасы экени белгилүү.
