23-июлда Тажикстанда Борбор Азия футбол ассоциациясынын Futsal Cup 2023 эл аралык турниринин алгачкы беттеши өттү. Анда Кыргызстандын футзал боюнча улуттук курамасы Ооганстандын командасына 4:5 эсебинде жеңилди.
Оюнда кыргыз курамасы үчүн эки голду Таалайбеков Данияр киргизсе, үчүнчү голду Шохрух Махмадаминов, төртүнчүсүн Мухамед Аскарбеков киргизди.
Эл аралык турнир 23-30-июль күндөрү Тажикстандын Дүйшөмбү шаарында өтөт. Мелдешке Иран, Өзбекстан, Түркмөнстан, Тажикстан жана Ооганстандын курама командалары катышып жатат.
Кыргыз курамасынын кийинки оюну эртең, 24-июлда болот — анда футболчулар Ирандын курамасы менен беттешет.
Буга чейин, 10-июнда Борбор Азия футбол ассоциациясынын «Улуттар Кубогу-2023» эл аралык мелдеши өткөн. Тайпалык оюндарда Кыргызстандын Ооганстанды 1:0 эсебинде жеңип, бирок Иранга 1:5 эсебинде жеңилген. Ал эми 3-орунга болгон беттеште Оманга 0:1 эсебинде жеңилип, 4-орунга татыган.
