26-сентябрда Бишкектеги Novotel мейманканасында чыккан өрттү өчүрүүгө үч күжүрмөн эсеп тартылды. Бул тууралуу Өзгөчө кырдаалдар министрлигинен билдиришти.
Маалыматта кырсыктан жабыр тарткандардын бар-жогу айтылган эмес. Мекемеден тилсиз жоонун кесепеттери боюнча кошумча маалымат берүүнү убадалашты.
ӨКМ 25-сентябрда өлкө боюнча жалпы 13 өрт кырсыгы катталганын кошумчалады.
2021-жылдын ноябрында да аталган мейманкананын фасадынан өрт чыккан. Имараттын өрткө каршы системасы жана фасаддын тышы жасалган материалдар өрттүн көбөйүп кетишине жол бербегени айтылган.
