6-октябрда кыргызстандык спортчу Нурзат Нуртаева Кытайдын Ханчжоу шаарында өтүп жаткан Азия чемпионатында алгачкы жолу күмүш медаль жеңди.
Ал эркин күрөш боюнча 68 килограммга чейинки салмакта күч сынашып, 1/4 финалдан тарта казакстандык Елена Шалыгинаны утуп, жарым финалда монголиялык Делгермаа Энхсайханды жеңди.
Спортчу финалда кытайлык Фенг Жу менен беттешип, 2:13 эсебинде утулуп калды.
Учурда улуттук кураманын куржунунда 13 медаль бар — 4 алтын, 2 күмүш жана 7 коло.
23-сентябрда башталган 19-жайкы Азия оюндары 8-октябрда аяктайт. Ага 45 өлкөдөн келген 12 миң 500гө чукул спортчу катышып, спорттун 40 түрү боюнча күч сынашууда.
ТЕМА БОЮНЧА:
Сүйүнчү! Айпери Медет кызы Азия оюндарында алтын тагынды
Азия оюндары: Айсулуу Тыныбекова жана Кымбат Тойтонова коло медаль утту
Каратист Адилет Шадыканов Азия оюндарында күмүш медаль тагынды
Акжол Махмудов Азия оюндарынын чемпиону болду
