Акыркы суткада COVID-19га чалдыккан дагы төрт бейтап көз жумду. Анын ичинен бир маркумдан COVID-19 лабораториялык аныкталган, ал эми калган үч бейтап пневмонияга чалдыккан. Бул тууралуу республикалык штаб 11-августта билдирди.
Бишкек шаарында коронавирус жуктурган үч киши каза болду. Ошондой эле, Баткен облусунда — бир бейтап көз жумду.
Буга чейин өкмөт пневмонияны коронавирус инфекциясы пайда кылаарын моюндаган. Жалпысынан Кыргызстанда коронавирус жуктуруп алган 1 468 киши көз жумду — 30-июлдагы маалыматка караганда алардын арасында 73 медкызматкер бар.
Өлкөдө коронавируска чалдыккандардын саны 40 445ке жетти. Жалпысынан 32 764 киши бул илдеттен сакайды.
