![](https://ky.kloop.asia/wp-content/uploads/sites/6/2020/12/ajykty2207.jpg)
Республикалык штабдан 14-декабрда коронавирустун жаңы 318 учуру катталганын маалымдашты.
Аймактар боюнча көрсөткүч:
Чүй облусу — 79;
Бишкек шаары — 126;
Жалал-Абад облусу — 25;
Ысык-Көл — 46;
Ош облусу — 6;
Баткен облусу — 16;
Ош шаары — 4;
Талас облусу — 4;
Нарын облусу — 12.
Жалпысынан Кыргызстанда COVID-19га чалдыккан бейтаптардын саны 77 674кө жетти. Мындан сырткары акыркы суткада жүргүзүлгөн ПЧР изилдөөлөрдүн саны — 1 286.
Ошондой эле, акыркы суткада 258 бейтап коронавирустан айыгып, үйлөрүнө чыгарылды. Сакайгандардын эң көбү Бишкек шаарынан катталды — 96, Жалал-Абад облусунда — 18, Ош облусунда — 24, Ош шаарында — 29, Баткен облусунда — 15, Чүй облусунда — 56, Ысык-Көл облусунда — 13, Нарын облусунда — 4, Талас облусунда — 3 бейтап сакайды.
Ушуну менен өлкө боюнча 70 450 бейтап оорудан айыкты. Ооруканаларда 2 087 бейтап дарыланып жатат. Анын ичинен 91 киши өтө оор абалда. Ал эми үй шартында 2 951 киши дарыланып жатат.
Ошондой эле, акыркы суткада Бишкек шаарынан — бир, Ош жана Баткен облустарынан — экиден COVID-19ду жуктурган бейтап каза болду. Ушуну менен Кыргызстанда илдеттен 1 312 киши көз жумду — бул статистикага коронавирус инфекциясы жана ооруканадан сырткары пневмонияга чалдыккан бейтаптар кирген.
Алгач, 18-августта, COVID-19дан улам каза болгон бейтаптардын саны 1 498ге жеткен, бирок Саламаттык сактоо министрлиги алардын санын 29 пайызга азайткан.
Мындан сырткары, өлкө боюнча беш медкызматкерден коронавирус аныкталды. Бишкек, Ош шаарларынан жана Жалал-Абад облусунан — бирден, Чүй облусунан — эки медик COVID-19га чалдыккан. Ал эми бир суткада тогуз медик айыкты.
Ушуну менен коронавирус жуктурган медицина кызматкерлеринин жалпы саны 4039га жетти, анын ичинен 3 770 медкызматкер илдеттен айыкты.