Жалал-Абад шаарындагы «Ага-ини» тез татымынан уулангандардын саны 40ка жетти. Бул тууралуу «Клоопко» Жалал-Абад шаардык мэриясынан билдиришти.
Маалыматка караганда, учурда 28 бейтап ооруканада, 12си үй шартында дарыланып жатат. Ал эми бир кош бойлуу аялдын абалы «оор» бойдон калууда.
30-июнда Жалал-Абад шаарындагы «Ага-ини» тез татымынан массалык уулануу катылган. Бейтаптардын баары шаурма жегенин айтышкан.
Мындан улам аталган жайдын ишмердүүлүгү убактылуу токтотулуп, 7,5 миң сом айып пул салынган. Учурда териштирүү уланып жатат.
