АКШнын Кыргызстандагы элчилиги бажы башчысынын экс-орун басары Райымбек Матраимов УКМК тарабынан кайрадан кармалганын кубаттайт. Матраимов буга чейин күнөөлүү деп табылган коррупция иши боюнча эмес, кылмыштуу кирешелерди адалдоо ишинин алкагында кармалган.
АКШ Райымбек Матраимовдун коррупция жана кылмыштуу кирешелерди адалдоо айыбы менен тергелип, камакка алынышын колдойт. Биз Кыргызстандын күч органдары менен биргеликте уурдалган кыргыз мүлкүн аныктоо жана далилденсе, кыргыз элине кайтарып берүү үчүн иш алып барууга курсантпыз.
— U.S. Embassy Bishkek (@USEmbassyKG) February 19, 2021
Дипломатиялык мекеме твиттеринде Америка Кошмо Штаттары Матраимовго карата иликтөөнү жана анын кылмыштуу кирешелерди адалдоо айыбы боюнча кармалганын «колдойт» деп белгилейт.
«Биз Кыргызстандын күч органдары менен биргеликте уурдалган кыргыз мүлкүн аныктоо жана далилденсе, кыргыз элине кайтарып берүү үчүн иш алып барууга курсантпыз», — деп айтылат АКШ элчилигинин билдирүүсүндө.
ТЕМА БОЮНЧА:
«Туугандары жардам берди». Алканова Матраимов 2 млрд сомду кайдан таап бергенин айтты
Кыргыз ТИМи АКШ элчисинин Матраимов боюнча билдирүүсүнө карата үн катты
АКШ уюшкан кылмыштуулукка каршы күрөштө Кыргызстанга көмөктөшүүгө даяр
