Президенттин басма сөз кызматы билдиргендей, президенттин милдетин аткаруучу Талант Мамытов 5-январда экономикалык мунапыс тууралуу мыйзамга кол койду.
Аталган мыйзамга ылайык, айрым кылмыш иштерине барган кыргызстандыктар мамлекетке келтирген чыгымдын ордун толтуруп берген учурда абак жазасынан кутулуп кете алат. Ошондой эле ал мыйзамсыз жол менен табылган бизнес менен мүлктү адалдоого жол ачат.
Парламент депутаттары тиешелүү мыйзамды 23-декабрда дароо экинчи жана үчүнчү окууда кабыл алган. Анда Дастан Бекешев, Айсулуу Мамашева жана Наталья Никитенко гана мыйзамга каршы добуш берген.
Мурдараак Бекешев мыйзам долбоорун «мыйзамдуу төлөп кутулуу» деп атаган, анткени, анын ою боюнча, долбоор мыйзам бузган адамдарды бай жана бай эместерге бөлүп, мыйзам алдындагы теңдик тууралуу конституциялык жобону бузат.
Мындан тышкары, мыйзам долбоорунун авторлорунун бири Акылбек Жапаровдун аялы финполго 200 млн сом компенсация төлөп жаткан, бирок муну кызыкчылыктар кагылышы катары эч кимдин эске алгысы жок: Бекешевдин бул боюнча суроосуна финполдун өкүлү жооп бере алган эмес.
Дагы бир экономикалык мунапысы
Маани-мааңызы жагынан караганда, жаңы мыйзам 21-октябрдан 21-ноябрга чейин күчүндө болгон Садыр Жапаровдун Экономикалык мунасын бекемдеп жана кеңейтет. Ал республиканын пайдалануудагы мыйзамдарына карама-каршы келген, бирок Башкы прокуратуранын маалыматына ылайык, анткен менен бир катар кыргызстандыктар мунапысты колдонгон.
Жазык кодексине кандай түзөтүүлөр даярдалып жатканы тууралуу октябрдын аягында депутат Дастан Бекешев билдирип чыккан. Анын айтымында, Садыр Жапаров демилгелеген түзөтүүлөрдө тобокелчиликтер көп жана ал ар кандай кыянат кылуу үчүн жолдорду ачат.
Эл өкүлүнүн айтымында, келтирилген зыянды төлөп коюп, «үйгө кете берүүгө» ар бирөө макул болот. Ал «ниет жакшы» болгонуна карабастан, бул мыйзам долбоору боюнча өтө чоң тобокелчиликтер жана коркунучтар бар экенин кошумчалады.
ДАГЫ ОКУҢУЗ:
Жапаровдун «экономикалык мунапысы» мыйзамга каршы келеби? Ошондо Матраимов камалбайбы?
