Бишкек шаардык соту «Массалык башаламандыкка чакырык таштоо» жана «Бийликти күч менен басып алууга» айыпталып жаткан жазуучу Олжобай Шакирдин кармалышын мыйзамдуу деп тапты. Маалыматты «Клоопко» 13-сентябрда шаардык соттон тастыкташты.
Ага ылайык, судья буга чейинки Биринчи май райондук сотунун жазуучуну 23-октябрга чейин УКМКнын тергөө абагына камоо чечимин өзгөртүүсүз калтырды.
Олжобай Шакирди УКМК кызматкерлери суракка алып кеткени тууралуу 23-августта белгилүү болгон. Анын жубайы Назгүл Бодбаева жолдошу жети сааттан бери дайынсыз экенин айтып чыккан.
Эртеси күнү жазуучу эки айга камакка алынган. Ал эми акын-жазуучу жана журнилисттер бийликтен аны «эркиндикке чыгарууну талап кылышкан.
Ага дейре Шакир фейсбук барагы аркылуу элди Ысык-Көлдөгү төрт пансионаттын Өзбекстанга берилишине каршы 31-августта өтө турчу тынчтык митингине чакырган. Ал буга чейин эле бийликти байма-бай сындап келген.
Ал эми Ысык-Көлдөгү «Энесай» («Дилором»), «Бостери» («Алтын кум»), «Рохат» жана «Бустон» пансионаттары 49 жылга коңшу өлкөнүн башкаруусуна берилери 17-августта маалым болгон.
ТЕМА БОЮНЧА:
Олжобай Шакирди боштууну талап кылган коомдук ишмерлер бийликке кайрылуу жолдошту
