Жаңылыктар

Күндүн твити: Казакстандыктар президент алмашканда эмне кылуу керектигин билишпейт

Твиттердин Султан аттуу казакстандык колдонуучусу кыргыздардан жардам сурады, анткени анын өлкөсү «бийликтин алмашуусун биринчи жолу башынан өткөрүүдө». Кыргызстан эгемендикке ээ болгондон тарта президент төрт ирет алмашкан.

КСДП фракциясы бийликти колдойт, ал эми партия өзү оппозицияда. Ушундай да болобу? (Көрсө болот...

Кыргызстандын Социал-демократиялык партиясы өзүн оппозиция деп жарыялады, ошол эле маалда КСДП парламенттик фракциясы дагы деле көпчүлүк коалициясынын башында турат жана учурдагы бийликти колдойт. Ушундай да болобу?

Кыргызстандык Якутияда зордуктоого шектелүүдө. Бул мигранттарга карата турмуштук улутчулдуктун толкунун жаратты

Саха (Якутия) Республикасы боюнча Тергөө башкармалыгы билдиргендей, 17-мартка караган түнү шектелип аткан кыргызстандык Якутсктун тургунун күч менен машинасына салып, аны башка бир жерге алып барып зордуктаган.

Кыргызстан жана Тажикстан чек арадагы чырды жөнгө салуу боюнча макулдашты

Кыргыз тараптан документке вице-премьер-министр Жеңиш Раззаков, ал эми тажик тараптан премьер-министрдин орун басары Азим Иброхим кол койгон. Тараптар автожол каттамын калыптандыруу жөнүндө, андан тышкары, Аксай — Тамдык айланып өтүүчү жолунун курулушун жандандыруу тууралуу макулдашышты.

Баткен: Прокурордун орун басары 20 миң сом пара алып жаткан жеринен кармалды

Улуттук коопсуздук боюнча мамлекеттик комитети Баткен райондук прокурорунун орун басарын 20 миң сом пара алып жаткан жеринен колго түшүрдү. Маалыматка ылайык, прокурор ишти оң жагына чечип берүү үчүн Өзбекстандын жаранынан акча талап кылган.

КСДП өзүн расмий түрдө оппозиция деп жарыялады

Кыргызстандын Социал-демократиялык партиясынын басма сөз катчысы Кундуз Жолдубаева партия расмий түрдө учурдагы бийликтин оппозициясына кеткенин «Клоопко» билдирди.

Бишкектин тез жардам кызматынын айдоочуларын «Коопсуз шаардын» камералары боюнча айыпка жыгышууда. Алар жумуштан кетебиз...

Бишкектин тез жардам кызматынын айдоочулары 17-мартта билдиришкендей, алар чакырууларга шашып, жол кыймыл эрежелерин бузууга аргасыз болушканы менен аларды «Коопсуз шаардын» камералары боюнча айыпка жыгып атышкандыктан жумуштан кеткилери келет.

Чек ара кызматы: Жолдор жабык, бирок кыргыз-тажик чек арасындагы абал «туруктуу»

Кыргызстандын чек ара кызматы кыргыз-тажик чек арасындагы абалды «туруктуу» деп атады, бирок Баткен — Лейлек жолу дагы деле жабык. Кыргыз чек арачылары күчөтүлгөн тартипте кызмат өтөөнү улантышууда.

Токмок: Жергиликтүү кеңештин депутаты көчө мушташынан каза тапты

Чүй облустук Башкы ички иштер башкармалыгынын (БИИБ) басма сөз кызматы билдиргендей, милиционерлер бычактан жараат алып, каза болгон кишинин денесин 17-мартта табышкан. Ал жергиликтүү кеңештин 29 жаштагы депутаты экени аныкталган. Кийинчирээк ооруканага бычактан алган жарааты менен дагы бир киши кайрылган.

Чек арадагы чыр: Баткендин Аксай айылынан сүрөт баян

Чек араны кайтарып турган аскер«Клооптун» жериндеги кабарчысынын айтымында, 14-марттан 15не караган түнү 30га чукул тургун кыргыз-тажик чек араны кайтарып нөөмөткө турган. Аксай айылында чогулган эл дагы деле таркай элек — алардын саны 100гө чамалайт.15-март...

Күндүн сүрөтү: Аксай айылындагы үйдүн терезесинде октон калган тешиктер

Бул кыргыз-тажик чек арасына жакын жайгашкан Баткен облусунун Аксай айылындагы үйлөрдүн бири — ал чек арадан 10 метр алыстыкта жайгашкан. Дал ушул жерде 14-март күнү кыргыз милиционерин жарадар кылышкан. Үйдүн ээси «Клоопко» үйүнүн терезесинин жанынан 10го жакын октон калган гильза чогултканын маалымдады.

Токтотмобу же көк шиберби? «Бишкек жашыл чарбанын» жумушчулары менен жеке ишкерлер жашылдандыруунун айынан урушуп...

Бишкектин Манас проспектиси менен Киев көчөсүнүн кесилишиндеги акча алмаштыруу бюросунун кызматкерлери «Бишкек жашыл чарбанын» кызматкерлерине көк шибер отургузууга жолтоо болушкан. Алар муну мэрия ал жерде унаа токтотмо жай курууну убадалаганы менен түшүндүрүштү.

Видео: Новопавловкада үч турак жай жана оор жүк унаасы өрттөнүп кетти

Чүй облусундагы Новопавловкай айлында жеке турак жай өрттөнүп, анын натыйжасында дагы эки жеке турак үй, оор жүк унаасы жана контейнер күйүп кеткен. Тилсиз жоо түшкө маал саат 12де чыгып, анын үч саттан кийин өчүрүшкөн. Жабыркагандар жок.

Баткендеги чыр: Тажикстан эки адам каза тапканын, Кыргызстан үч киши жарадар болгонун билдирет —...

Тажикстандын бийлиги Аксай айылынын жанындага чыр-чатак учурунда алардын эки жараны каза тапканын билдирди. Кыргызстан азырынча бул маалыматты ырастаган жок, бирок үч кыргыз жарадар болгонун маалымдады. Кыргызстандын чек ара кызматы чыр-чатак чыккан жерди «салыштырмалуу туруктуу» деп баалайт.

Чек арадагы чыр: ИИМ милиционерге ок тийгенин тастыктады

Кыргызстандын Ички иштер министрлиги кыргыз-тажик чек арасындагы чырда «белгисиз» куралдан атылган октон милиционер жарадар болгонун ырастады. Ал оор абалда ооруканага жеткирилген.

Чек арадагы чатак: Жарадар болгон кыргызстандыктын абалы оор, кырдаал курч бойдон калууда

Кыргызстандын жана Тажикстандын бийлигине Баткен облусундагы чек арага жакын жашаган тургундардын ортосундагы чатакты токтотууга мүмкүн болбой жатат. Чыр-чатак 13-март күндүзү кыргыз тарап куруп аткан Аксай — Тамдык айлампа жолунун курулушунан улам башталган.

Кыргыз-тажик чек арасында чыр чыгып, кыргызстандык жараат алды

Баткен облусунун Аксай айылында Кыргызстан менен Тажикстандын жарандарынын ортосунда чыр чыкты. Чек ара кызматынын маалыматына ылайык, бир тургун жараат алып, дагы бир кыргызстандыктын үйү өрттөнгөн. Учурда эки тараптан чогулган 200дөй адам чек ара тилкесинде турат.

Бишкектин судьясы акчаларды ыйгарып алууга жана 1000ден ашуун документти жок кылууга айыпталууда (ал өлкөдөн...

Бишкектин Октябрь райсотунун экс-төрагасы Эрнис Чоткараев алдамчылык жана 4,7 млн сомду өзүнө ыйгарып алууга, андан тышкары, 1000ден ашуун административдик материалдарды жок кылууга айыпталууда. Ал өлкөдөн качып кеткен болушу ыктымал. Атайын кызматтар тергөө жүрүп жаткандыгына байланыштуу маалыматты тастыктап да, четке да какпай жатышат.

Күндүн цитатасы: Депутат Мусабекова 8-мартка карата аялдардын тынчтык маршына катышкан ЛГБТнын өкүлдөрү тууралуу

13-мартта Жогорку Кеңеште жыйын өтүп, анда депутаттар кошумча 8-мартта Бишкекте өткөн аялдардын тынчтык митингин да талкуулашты.Жыйында депутат Жылдыз Мусабекова Борбор Азияда «биринчи болуп гей парад» өттү деп билдирди. Ошондой эле ал УКМКнын жана ИИМдин...

Депутаттар Бишкек мэрине каршы митингдин шартында аялдардын жана ЛГБТнын маршын талкуулашты. Бул кандай болду?

«Кыргыз Чоролору» улутчул кыймылынын («Кырк Чоро» аты менен таанымал) мүчөлөрү «гей пропагандага» каршы чыгып, аялдардын тынчтык жөө жүрүшүнүн уюштуруучуларын жоопкерчиликке тартууну талап кылышты. Бул учурда Жогорку Кеңеште «гомосексуалдуулукту пропагандалоого» каршы күрөшүү үчүн бейөкмөт уюмдар жөнүндө мыйзам долбоорун кабыл алуу сунушталды.